looks007
網友 Yan:
 
我down左一隻交友app,原本真係想認識唔同朋友,不論男女,不論國際,但全部(其實只有三個男仔)都係要求sex phone,同埋好直接,甚至有個人第一句就問:你介唔介意色狼?
當下嚇親,亦都覺得好唔舒服,但第一個又唔好意思cut線,之後兩個都直接cut線。
其實現時有好多類似交友apps都系咁樣,其實sex phone系咪太超過,定還是好平常嘅事?
 
OpenRoom – Miss Sweetie :
 
啊Yan,唔同交友app都有唔同既常態,有啲交友app係開宗明義約炮既,有啲係sex chat既。另外都要睇下對方使用者既心態係點,如果佢心態只係想約炮既,你唔想,可以話唔好,甚至唔回應。
 
如果你真係介意程式上其它使用者既行為,覺得唔舒服,又唔知點回應對方既,不如唔好用。你控制唔到人地講乜,但你可以直接同佢講你唔係想追求呢樣野,或者退出程式,你有呢場遊戲既主導權。
 
我唔敢講係咪好多交友app都係咁,因為我都聽過唔少例子係有人係交友app搵到真愛。Sex phone過唔過,都真係睇人點睇。但如果真係想試,要考慮下 Sex phone 既風險,例如你既電話、樣貌等等既資訊會唔會外洩等等。(最緊要玩得開心同放心嘛)另外,你都要顧及到對方或者自己想唔想,Sex phone同性行為一樣,都要講求共識啊~
 
 
想分享你既性事?想問性相關既問事?去我地既性事收集箱:http://bit.ly/2oToEG7

回應此文章: