looks007

Brownie: 

我27歲 同男友拍拖三年半,佢大我8、9年。
佢係乖仔黎,都幾錫我好就我 唯獨係性方面比吾到我… 好似係一個吾雖要性愛既人。
我地一年做吾到5次,因為只係去旅行戈d日子先做。做戈時感覺佢似係交功課咁;當我一轉姿勢 佢就軟左。講真好掃興 但我吾知用咩方法同佢傾
老實講 我自問性欲大… 我有搵sp,但係只係大概3-5個月約一次 其實我覺得好對佢吾住 但我真係好想要…
之前都買過假JJ 但完全冇feeling 根本吾滿足到

 

OpenRoom – Ms. Sweetie: 

Brownie,您好啊!

我好明白你同男朋友係性方面唔協調既情況,都知道你辛苦啦~ 

睇完你既經歷,我有好多問題想問清楚你啊 ~ (你可以再用返同一個名,再submit多一次去性事信箱度,我再回應你。)

唔知你地之開做愛既時候,情況係咪同依家一樣呢?如果係既話,你有無試過同佢表達過自己想要咩性愛呢?又或者有無嘗試了解佢既性喜好?

因為性呢樣野係好個人既事,每個人對性既反應同需要既程度都唔同,所以真係有需要同佢溝通一下。我唔知你男朋友會唔會介意你講話佢滿足唔到你,因為有唔少男性都好介意。你可以試下婉轉地講下,又或者提議試下唔同既體位、買左新既性玩具想試,睇下佢點回應先,從而再帶出你想講既話題。

性慾大唔係問題,just embrace it~  講到搵SP,如果你覺得佢會介意,又或者佢接受唔到,你就要考慮下應唔應該繼續呢個行為。如果你係著緊佢既話,你會顧及到佢既感受同會考慮到呢個行為會唔會影響到呢段關係。有人真係會唔介意自己既另一半有SP,亦有人會好介意,甚至會分手。

我地成日講關係,就係要透過溝通黎維持關係~ 

我唔知你同你男友會唔會成日講性事,因為有美國既大學研究指出異性戀情侶或者夫妻如果肯做戰後報告,講多啲性事,會有更好既性生活!

我期待收到你既回信~ 

想分享你既性事?想問性相關既問事?去我地既性事收集箱:http://bit.ly/2oToEG7

回應此文章: