looks007

小肥豬(16-19歲):

我最近減左廿磅啦,咁本身都有啲小肚腩。
唔知點解呢排望個肚好似脹左咁,明明冇點食嘢,亦都冇肥左,咁有冇可能係大肚?
(影相俾男朋友睇,佢話似大肚)

OpenRoom – Ms.Sweetie:
小肥豬,您好啊。
Ms.Sweetie 近期忙左少少,唔好意思,少覆左性事信箱。
其實如果想知道有無懷孕,唔應該就咁睇下個肚仔大左就懷疑自己有bb。有時候有可能腸胃唔好,有胃氣,有宿便,都可能個肚望落去比平時大,未必同懷孕有關。
而且懷孕初期,都唔會咁快見肚,有身材比較豐滿既媽媽會兩個月就見肚,就有身材比較瘦既媽媽到四五個月先見肚,所以見肚唔可以用黎作判斷有無懷孕既準則。
以下我列出左幾個最常見既既懷孕初期既徵兆,你可以睇下自己符唔符合:
1 – 情緒波動大:
懷孕頭三個月,孕婦受到荷爾蒙激增既影響,情緒比較反覆。
2 – 作嘔作悶:
唔少孕婦係懷孕初期都會覺得噁心,胃口唔好,程度因人而異,通常係懷孕三個月後就會逐漸減少。
3 – 停經:
因為胚胎已經係子宮著床成長,卵巢會繼續分泌黃體素,所以就唔會有月經。
4 – 體溫比平常高
平時女性既體溫係有固定週期,排卵後,持續既黃體素分泌會加速身體既新陳代謝,所以普遍體溫都會上升攝氏0.2 – 0.6度。如果有有bb,卵巢會持續分泌黃體素,所以體溫就會一直保持高溫。
以上四點係最普遍既徵狀,但係我都係建議你唔好估估下啦。如果你真係好擔心,月經遲遲未黎,驚自己有bb既話,就快d去做尿液試驗。你可以去買驗孕棒,或者到診所檢查,咁就可以知道自己有無懷孕。
最後,我想同小肥豬妹妹講,唔洗咁擔心既,check清楚就無事啦~

回應此文章: