looks007

威威:

“每次同女朋友曳完,問佢感覺,
佢衹答””OK啦””
意思糸話我一般貨色,尚可,定系咩意思?”

OpenRoom – Ms. Sweetie:

Hello 威威!

其實你想知道你女朋友同你做完愛有咩感受,應該直接問返你女朋友,而唔係走黎問我。我又唔係你女朋友!(笑)佢話「ok啦」,其實真係可以有唔同既意思,有可能佢感覺一般,但又唔好意思講出口,亦有可能佢覺得不過不失,所以答「ok啦」。

我地成日都會鼓勵人同自己另一半溝通,任何事都應該講清講楚,唔好一味靠估。特別係性事,見你都想知道女朋友點睇你既性表現,你應該都想知道佢中意乜同唔中意乜,想佢享受性愛既過程。咁不如搵次主動同佢黎個賽後報告啦,咁咪唔洗估估下!

其實係關係中,跟另一半討論性話題係十分重要既。大家籍著對性既討論,而了解對方既價值觀、信仰、對性行為的取態和性生活習慣等,而決定會唔會發生性行為同應該用邊種控制生育的措施。然而於現實中,根據一項加拿大既研究顯示,僅有半數情侶在第一次發生性行為前會討論採取那項避孕方法。

不單係初次發生性行為的情侶甚少討論性,亦有另一項研究指出,很多長時間發生性行為既情侶、夫妻都唔會跟另一半討論所發生的性行為。他們大多都不肯透露自己對性既期望,尤其係唔會提及對性生活的不滿。

無論是發生第一次性行為,定係有穩定、長期的性關係,每次發生性行為之前,都應該跟另一半討論一下性。

回應此文章: