looks007

女孩子一生人大概會有 2470 日要承受黎M既煩惱,係人生既六年啊!足足六年啊!

呢個數字係點黎既呢?

當一個女仔由十二歲開始黎M,到五十歲停期,而平均月平均月經週期為28日,每次黎M黎足五日,一年黎13次,就黎得到以下既數字:

(50-12) x 13 x 5 = 2470日

呢個數字可能好驚人,不過其實女孩子一生人會黎幾多日月經係因人而異。

女性進入青春期之後,就會開展月經週期,定期迎來一次月經,未受精既卵子伴隨剝落既子宮內膜 (俗稱經血) 流出子宮,直至更年期生停止,而每位女性一生大概會排出400粒卵子。

青春期之中的男女雖然體內的性激素水平會同樣顯着提高,但同男性不同,女性體內既性激素水平更會呈現週期性變化,從而令子宮及卵巢同樣出現週期性變化。該週期約22 ─ 45日,視乎各人體質而有所不同,但標準則是自流出經血起當日計算,每28日為一個週期。不過其實有女仔會2個月一次,甚至3個月先黎一次月經,似乎週期既長短。

在月經週期之中,女性既子宮內會同時發生兩種轉變:一方面,含有卵子的泡囊會在性激素的影響下成熟,釋出卵子,並隨後變成黃體,持續釋放性激素;另一方面,子宮內膜會在性激素既影響下,增加並維持厚度,供受精卵着床。然而,當卵子沒有及時受精,就會在數日內死亡;增厚既子宮內膜亦會破裂,連同卵子一同流出體外,過程為期2至6日不等,每次黎M都會大概流失約 50 – 100ml 既經血。

如果女性有食避孕丸,或者用到子宮環等既避孕措施,就會有機會影響到月經黎幾多日。如果發現月經有唔尋常,請聯絡婦科醫生或其它專業人士。

回應此文章: