looks007

自慰等等同性相關嘅議題喺華人社會入面從來都係禁忌,即使性會發生喺每個人身上,但大家嘅接受與討論並無因為社會進步而變得開放。

最近受到網民熱烈討論嘅就係一段女性試用自慰機嘅短片。喺片段入面,女主角嘗試使用馬鞍型自慰機,身邊亦有人為佢調節震動強度等等。片段推出已經一段日子,但最近就比網民發現同熱議。內容主要討論片段入面女主角使用自慰機時嘅反應,亦都用上唔少粗鄙字眼。而近日喺部分媒體宣傳之下,對於女主角嘅負面抨擊亦都有增無減。

網民圍繞嘅重點包括認為假陽具太輕易進入女主角陰道,以及女主角自慰過程中並無太大表情變化及叫聲,所以認為片段造假。網民亦都用上「闊過西隧」以及「無演技、無表情又無聲」等等字眼形容女主角。但女性高潮係咪一定要有豐富表情?容易進入又係咪等於女性陰道較闊?

網絡發達令都市人更容易接觸到色情電影,亦影響大眾對性愛嘅觀念。色情片演員好多時喺做愛過程中都會七情上面又或者發出較大嘅呻吟聲去表達歡愉感覺。但真實性愛入面每個人都可以有自己嘅表達方式,有冇叫喊聲或者表情變化都唔代表有冇得到歡愉。而自慰係每個人去獲得性快感最私密嘅方式,每個人都可以用自己舒服嘅方法達至高潮。

影片擁有者Discreet Pleasure 亦曾經與Openroom合作製作宣傳影片。Discreet Pleasure為女性提供私人空間去享受性快感,為女性提供機會去探索身體。Openroom希望將來可以有更多同類型團體出現,比大眾更多機會了解性,探索自己身體,懂得令自己快樂。

回應此文章: