looks007

有一次,我準備收工果時(收9半),有對男同志入咗泥。

佢地勁吾好意思甘問我:「你收工拿?」 

我:「未丫。」(心諗,你地吾買野吾好浪費老娘時間) 

佢地都吾好意思,格都冇格價,已經直接買浣腸用品,condom ,肛塞,ky等。我一邊收錢,望望仲有10分鐘收工,咪同佢地講下野hea埋果10分鍾

我:「你地甘夜丫?食咗飯未?。」

佢地見我開口,就冇甘急,同我講咗幾句野。 

我見到佢地都玩得起,就好直接甘講:「好彩我地未收工,如果吾係連野都冇得搞。 」

有一個高高地ge男仔講:「佢囉,冇啦啦講要係出面過夜,整到咩都要買過曬! 」

另一個男仔聽完之後,就講:「哎,鬼叫我中意男人咩。吾買整痛你炸,你吾好喊丫! 」

果一刻,單身狗我受到一對點傷害!!

高高地果個望住我講:「哎,做女仔真係好。 」

我問:「下,點解丫?」

佢:「同女仔出街又可以拖手,又可以扮令。最重要係又識出水!你睇下我地,冇KY會死人ge!係D傻仔以為我地扮gay當有趣炸!」 

我聽到忍吾住笑:「X,你知吾知女仔冇feel會dry到同你冇用KY差吾多ge,都會好痛囉。」佢呢一段野講到好好笑,但係完全係有血有淚……

佢又講:「喂,你好 Talk 得 wo。吾似得上次去銅鑼灣果間情趣用品買野甘,嘩,個sale比說話我地聽! 物料丫!比我簡,我都想做個異性戀,做個愛,簡單又方便丫X! D耶J真係講到做gay佬有得簡甘,好心啦,叫D傳教人試下同佢個老婆做野之前要清潔最小15分鐘。試咗半年,我睇下佢會點!」

佢另一半應該會信教,聽到呢到忍吾住講野:「小數人係甘姐,其實好多基督徒都會接受同志。 」

佢另一半:「都好多耶J會婚前性行為wo !做完咪禱告要神原諒佢地囉!」

我見到佢地有一個吵架ge前奏,就講:「其實我都係道教徒(信太上老君),我相信人到達心靈平靜,平和,行善,係最好。而我認為,基督教本身ge核心價值,係愛同行善。信教吾係信個神,而係信個道理。老君所寫ge道德經觀徼章第二講過:天下皆知美之為美。斯惡已。皆知善之為善。斯不善已。故有無相生。難易相成。聖經都有講啦,如果你的手有行善的力量,就不可推辭,要向那些需要幫助的人行善。所以呢2樣野,都係世界大同。 」

佢地2位男士聽到o曬嘴,我r下個頭又講:「讀咗成12年基督教學校,好難吾識聖經wo。」

個有信仰果位聽到,忍吾住問:「你有信教但係你賣情趣用品?! 」

我:「我賣情趣用品吾代表我濫交。我係一個職業。呢個職業ge背後係要教人正確性觀念,吾好再甘多未婚媽媽同悲劇出現。呢一樣野,係現時一個性觀念保險ge香港好重要。 哎,好多令仔套都吾識用ge! 仲有d問我係咪囡囡中介人。係我就發過發哥啦!」

個高高地男仔聽到,笑到眼淚,講:「係真係好正囉!你講野好好笑! 樣又令點解冇男朋友。嘩,10點啦,我地走啦。下次再泥搵你買野。」之後就拉咗佢另一半開開心中甘走咗。

我發現,我呢一個單身狗再一次受到一萬點傷害。。。

回應此文章: