looks007

講到性空間,不得不談教師呢個特殊神仙行業。相信大部份即將執教鞭,或者好多已經認清現實而想轉行的準教師/教師們都會不約而同地認為 — 只要你係老師,你就係道德神仙,耶穌,典範。換言之,唔理你係補習名師,小中大學老師,定係隨便一個小毛孩的私補,只要任何涉及道德的標準,你都要遵守嫁﹗例如近至講粗口,唔可以著拖鞋落街串魚蛋,遠至放工同老公仔、男朋友仔錫錫,更加唔好講性。而蓁蓁我今日想講老師們的性空間有兩種,一種係「性教育的空間」同「自己的性空間」。

 

自己的性空間

講自己的性空間先,呢樣真係令好多人頭痕。老師都係人,都有感情,點解係街攬下錫下又會教壞毛孩?其次,人會生仔,你會生仔,老師唔會生仔麼?聽見好多家長知道自己仔女老師懷孕,竟然係會擔心:哎呀,老師咪有排唔返學,搞亂曬d教學進度呀個仔成績唔好喇!更加唔好講Sex,唔講真係會以為全部老師都係貞潔既瑪莉亞同亞當。點解呢?原因有一:家長覺得老師係應該係學生面前展現性同情愛,會影響小孩發展。二,道德觀念:老師係好榜樣。冇錯,老師係榜樣但冇話老師唔會錯,老師唔會做人做既野。

 

首先,正正老師係好榜樣,就係父母以外學生會接觸到關於性同愛情既知識。

 

曾經有對Sheshe朋友一齊去內地教學,有一位係比較中意男性化,短髮裝扮,去到當地有個小朋友跑過黎同個位朋友Say完Hi, 就轉個身問我:老師,果個「男人婆」係男係女呀?我同佢講:佢係女仔,不過係比較中意著男仔衫同男仔性格,每個人都可以按自己意願選擇自己想要既野嫁!個學生哦左一聲,笑一笑,就走左。老師的婚姻,愛情,性,都有佢自由,當然有部分當然不能夠係正確既性觀念啦:美國已婚模範女老師性侵男學生 4年 。所以話,老師都係人,只要唔係犯法,或對小孩作出侵犯和傷害,都應該佢性既自由。點解唔可以讓老師同愛人做一點快樂的行為,或者讓佢地選擇和爭取性傾向,更加可以自由咁同學生(中學生)談論老師都會自慰打飛機,老師都會同愛既人做愛,老師都會有佢既愛情掙扎呢?

 

性教育的空間

講到「性教育的空間」,學生對性好奇其實是好正常,你唔講,又唔比老師講,結果佢咪做出黎試囉。記得中學Bio堂講性教育同用Condom:呀Sir尷尷尬尬指住電腦上既Condom:「拿,同學,呢個就係Condom喇。」完。結果連睇下,摸下,Feel下,學下點用都無。而且根本就唔考,莫講話討論。中學六年就咁完左,性教育究竟有幾多而其實時下年輕人可以接觸性既機會多之又多,但幾多人識正確用Condom?幾多人信安全期避到孕?係乜野令到老師教育學生性既空間都少之又少呢?學校只係會話拍拖對讀書唔好呀,婚前性行為後悔呀,性?罪呀!肉酸。結果搞到佢地冇正確咁學,都唔能夠好好咁享受性既自由。性教育需要空間,需要老師開放的心同道德規範既突破,更加需要社會的信任和包容。師者傳道、授業、解惑也,唔係只講知識上,而係係一個小孩到青少年階段既指路人,係預備同教育佢地18歲以後有一個自主,正確的人生和思維,係唔應該Exclude性。

 

現時香港的性教育,可能連人均一百呎都無,只係限係你個腦度。社會的各界,請還給老師一個性空間,老師們,你們都應該有權利和義務去接受這空間。

 

 

回應此文章: