looks007

近期有個網絡KOL條女疑似出軌,大家分手收場,大家好似禿鷹見屍咁興奮,衝埋去食花生 – 男方畀人改圖加咗綠帽,女方畀人左一句臭雞,右一句淫婦。

其實出軌同淫唔淫、雞唔雞無關。性冷感、asexual嘅人都可以出軌的,而搞到出軌咁大劑,明顯唔係西痕唔痕嘅問題,而係佢對嗰個人有romcatic love嘅需求。而如果佢本身係唔鍾意扑嘢嘅人,個女仔出咗軌,都可以繼續對住條新菜性冷感,繼續死魚。人嘅感情需要、性需要真係有好多個面向,亦唔係一定要綑綁埋一齊的,唔好人地一花心,就斷定人地係淫婦,兩者唔一定有關。

出軌係誠信問題,係道德問題、係傷害咗蒙在鼓裏嘅愛人嘅問題,係關係出咗問題而無果斷分手而踩落下一隻船嘅問題。出軌點都唔好㗎喇,但相比男人,女人出軌收到嘅辱罵真係嚴重好多。

唔講出軌,我講臭雞。我真係好想講,唔好乜都鬧人臭雞
1. 雞都唔係咁做嘅,唔收錢嗰啲叫SP T^T
2. 做雞先唔會畀自己臭,個西用嚟搵食㗎啊醒
3. 唔做雞都可以臭,你班唔注意陰道衛生嘅傻閪
4. 好多研究都話,女性工作者染性病率低過non-雞嘅女人好多。
大佬,搵食工具啊,你用電腦搵食,你都會裝多啲防毒軟件喇,阿醒
5. 好多時有性病,唔好淨係懶隻雞,懶返嫖客,係有堆人成日偷偷除套啊;係咁Lur人中出Plan啊,唔環保吹就唔嫖你啊。
6. 有性傳染病又唔一定會臭btw,如果臭就有性病,唔臭就無,咁性病都幾易避。
7. 好多時臭只係Yeast Infection。Yeast Infection邊度嚟?有時只係你時運唔好抵抗力差,亦好多時係損咗有傷口又唔好好護理,輕則痕,重則R到損會痛,重會有啲臭。Yeast Infection同屌得多唔多次/多唔多人無關,畀單一性伴侶整損咗,都可以發臭。如果隻雞畀你屌損咗,然後發炎從而發臭,咁唔該你反思喇。人哋唔夠濕你都照屌,中間乾咗又唔覺,咁大個人都唔識用Lube,嫖客都有責任啊。
Sorry我認真咗,但見到啲人是但指住一個無誠信唔誠實呃住伴侶嘅女人,就話係雞,我覺得誨辱咗雞。
而,其實,你唔識三角關係嘅當事人,人地感情裹面嘅裂痕你又知得曬?who are you to judge ? 你拎啲關心人地關係嘅時間,關心吓自己伴侶,追求吓自己未來伴侶,你嘅生活應該會好過好多。

回應此文章: