looks007
 

上堂同大家講左玩 Cyber Sex 既遊戲規則,重點有三:1) 小心選擇玩伴;2) 玩還玩,唔好開樣同講名;3) 唔好精蟲上心。今次就同大家講下到底有咩視像既 Cyber Sex Tips。   預備工作: 安全措施:係開始 Cyber Sex 之前,必須要肯定你屋企、對方身處既環境係有極高私隱度既。當你赤裸上身同你既目標人物開始「做愛」時,你都唔希望有其它人參與其中掛?但記著做呢件事始終有風險,你既赤裸身影都有可能會流出,所以要自行衡量。 男仔準備:如果你預計你真係會發射,最好拎張保鮮紙蓋過你個keyboard,同堆準備紙巾,到時你體液噴濺,整壞左個keyboard,我表示 I can’t help。另外,唔好以為男仔唔需要對身著有要求,麻煩你都揾條靚少少既底底,為畫面增添美感。 女仔準備:雖然你未必識發射,但都要準備定紙巾、濕紙巾啦。揀套靚既內衣,唔好著埋曬阿婆色底衫褲,真係一睇到都無曬性慾。 男/女準備:如果你地中意,其實可以準備定情趣用品,令到個過程更加色彩豐富。 仲有仲有,開始之前記得要搞好wifi connection先,要知道當網絡唔穩定時,就乜都唔好玩啦。     Cyber Sex 前期: 一開始要同個目標人士開口「落指令」其實都真係好難。唔好話陌生人,就算係另一半,都會覺得好老尷,因為平日其實用肢體語言就可以表示到你既想法。但記著 Cyber Sex 最重要係要係俾到視覺同聲音刺激俾人,同平日動手動腳係唔同。所以,你可以用以下既方法去展開 Cyber Sex 。 1. 先講甜言蜜語,再講帶性暗示既句子:何謂甜言蜜語?「好掛著你呀」、「 我好中意見到你」呢啲咪就係最基本既甜言蜜語囉。係人都中意聽甜甜既說話,一開始由呢個位入手會容易 soften 到對方既心,繼而講性暗示既話,例如:「我好想試下你好唔好味」、「你妹妹有無掛著我既細佬?」、「你皮膚好白好滑,好想咬你一啖」、「如果依家有得食左你就好喇」。 2. 當大家都開始討論得熱烈時,就可以係衣服外自摸,又或者開始露少少敏感部位俾對方睇,輔以輕呻以引起對方既性慾。     Cyber Sex 中期: 1. 千萬唔好一黎就除曬所有衫,咁樣對引起對方既性慾係無幫忙,係要慢慢黎既。 2. 自摸同自慰時,唔單止要俾對方聽到呻吟聲,仲要得閒講幾句說話去讚揚對方:「你既棒棒好大!」、「你對波好大,好想親手摸下」。同時亦要試下用形容詞去講下你既感受同身體反應:「好正呀…」、「我下面出曬水喇」、「因為見到你,我下面硬曬」、「好想你真係插入黎」等等。 3. 視覺方面,最好俾對方望清楚你既身體部位,最好用到可以移位既鏡頭,去展現身體不同既部位。     Cyber Sex 後期: 1. 當你既性伴滿意時,而你又未滿足,你可以請對方繼續留低一段時間去繼續引起你既性慾,vice versa。 2. 無論你到底滿唔滿意,你點都要同對方講聲「多謝」,始終對方都曾經同你有過肌膚之親。除此之外,都要讚揚對方曾經為左討好你而付出過既時間同液體。 3. 始終大家都有過親密關係,大家或會沉船。所以 Ms. Sweetie 係度勸大家一句,如果對方唔係你本身既伴侶,唔好同對方講大家心事,亦唔好過份依賴對方,只同對方講性事就已經足夠。如果對方成日搵你,你都係及早轉帳號,重新做人,以免留手尾。     雖則 Cyber Sex 唔係真正既性行為,但係有啲野要知道,要遵守返個遊戲規則。既然大家玩得 Cyber Sex ,係一個有互動既遊戲,係自我滿足時,都試下滿足對方。 講左咁耐 Cyber Sex ,其實都係想提供返少少既個人建議俾大家,等大家可以享受到性歡愉。大家有咩更好既提議同想同我繼續討論,可以留個言俾我知。   下堂見!(kiss)

回應此文章: